“Мерседес”, “iPhone 6” ва “iPad”- туҳфа дар бозии Тоҷикистон- Урдун

Душанбе, 29.05.2015. (АМИТ »Ховар», Рафоати Абдулҳамид).- Бино ба иттилои Федератсияи футболи Тоҷикистон рӯзи 11- уми  июн, дар Варзишгоҳи марказии ҷумҳуриявӣ дастаи Муҳсин Муҳаммадиев тими  миллии Урдунро қабул мекунад. Ин бозӣ соати 20.00 баргузор хоҳад шуд. Бозии нахустини тими Тоҷикистон дар марҳилаи интихобии гурӯҳии ҶҶ- 2018 мебошад. Дастаи  миллии мо дар доираи бозиҳои ин сабқат дар гурӯҳи “В” бо тимҳои  миллии Австралия, Урдун, Қирғизистон ва Бангладеш рақобат мекунад.
Федератсияи футболи Тоҷикистон барои мухлисони футболи кишвар дар ин бозӣ навгонии махсусе омода кардааст. Ҳамаи мухлисони ба варзишгоҳ омада имконияти бурд кардани туҳфаҳоро доранд, ки аз варзишгоҳ савори “Мерседес”, “iPhone 6” ва ё ки “iPad” дар бағал берун шаванд.