Муҳокимаи масоили муносибатҳои Тоҷикистону Беларус
Душанбе, 14.05.2015. (АМИТ «Ховар»). — 12 май дар шаҳри Минск мулоқоти сафири Тоҷикистон дар Беларус Қозидавлат Қоимдодов бо вазири адлияи Беларус Олег Слижевский баргузор гардид. Тавре ки аз сафорати Тоҷикистон дар Беларус ба АМИТ «Ховар» хабар доданд, зимни мулоқот вазъу дурнамои ҳамкории дуҷониба мавриди муҳокима қарор гирифта, ба ҷараёни татбиқи паймонҳо дар сатҳи баланд ҳангоми сафари расмии Президенти Ҷумҳурии Тоҷикистон Эмомалӣ Раҳмон моҳи майи соли 2014 ба Беларус таваҷҷуҳи хосса зоҳир гардид. Сафири Тоҷикистон изҳор дошт, ки барои рушду густариши равобити дуҷонибаи кишварҳои дӯст — Ҷумҳурии Тоҷикистон ва Ҷумҳурии Беларус заминаи устувори шартномавию ҳуқуқӣ фароҳам оварда шудааст, ки борат аз 60 шартномаю созишномаҳои амалкунандаи байнидавлатӣ, байниҳукуматӣ ва байниидоравӣ мебошанд. Вазири адлияи Беларус қайд намуд, ки байни вазоратҳои адлияи Ҷумҳурии Беларус ва Ҷумҳурии Тоҷикистон муносибатҳои судманд барқарор гардида, Созишномаи соли 2012 баимзорасидаи ҳамкории байни ду вазорат ба робитаҳои мо қувваи нав бахшида, ба таври судманд амалӣ мешавад. Ҷонибҳо дар ҷараёни мулоқот ҳамчунин перомуни масоили дигаре, ки диққати тарафайнро ба худ ҷалб мекунанд, табодули афкор намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






