Мулоқоти Сафири Тоҷикистон бо Ваколатдори ВКХ-и Олмон

Май 5, 2015 16:10

Душанбе, 05.05.2015. (АМИТ «Ховар»). — 4 майи соли ҷорӣ дар бинои Вазорати корҳои хориҷии Олмон мулоқоти кории Сафири Тоҷикистон дар Олмон Маликшо Неъматов бо Ваколатдори ВКХ-и Олмон оид ба масъалаҳои Аврупои Шарқӣ, Қафқоз ва Осиёи Марказӣ Майер-Клодт баргузор гашт. Зимни  суҳбат ҳолат ва дурнамои муносибатҳои дуҷонибаи Тоҷикистону Олмон мавриди баррасӣ қарор гирифтанд. Ҷонибҳо сатҳи ҳамкориҳои дуҷонибаро баланд арзёбӣ карда, барои вусъати онҳо изҳори омодагӣ намуданд.
Дар ҷараёни суҳбат Сафири Тоҷикистон оид ба вазъи сиёсию иқтисодии имрӯзаи Тоҷикистон, омодагии ҷониби Тоҷикистон ба Форуми тиҷоратии Тоҷикистону Олмон, ки дар нимаи дуюми моҳи майи соли ҷорӣ дар шаҳри Душанбе пешбинӣ гардидааст ва ҳамзамон дар бораи омодагӣ ба   Конфронси байналмилалии сатҳи баланд роҷеъ ба натиҷаҳои татбиқи даҳсолаи байналмилалии амал «Об барои ҳаёт» маълумот пешниҳод намуд. 
Дар навбати худ Майер-Клодт иштироки ҷониби Олмонро дар Конфронси байналмилалии сатҳи баланд дар мавзӯи ҳамкорӣ дар соҳаи об иброз дошт.

Май 5, 2015 16:10

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд