Намоишгоҳ — ярмаркаи якуми музофоти Нинся дар Душанбе

Душанбе, 05.05.2015. (АМИТ «Ховар»,  Фарзона  Достонзода).- Аз  18 то  21  май   дар  шаҳри  Душанбе  намоишгоҳ — ярмаркаи  якуми  музофоти  Нинсяи  ноҳияи  мухтори  Хуэи Ҷумҳурии  Мардумии  Чин  баргузор  мегардад. 
Тавре  ки  аз  Палатаи  савдо  ва  саноати Ҷумҳурии  Тоҷикистон  ба  АМИТ «Ховар»  хабар  доданд,  маросими  расмии  ифтитоҳи   намоишгоҳ  18  май  дар  Маҷмааи  давлатии «Кохи  Борбад» сурат  мегирад.
Дар  намоишгоҳ   маҳсулоти   истеҳсолкунандагон  ва   марказҳои  тиҷоратии  беш  аз  55  ширкати  музофоти  Нинсяи  Чин  ба  маърази  намоиш  гузошта  мешаванд.
Нигораҳои  асосии  намоишгоҳ  иборат  аз  либос,  маснуоти нассоҷӣ,  маводи  ғизоӣ,  маҳсулоти  кишоварзӣ, маводи  сохтмонӣ,  асбобҳои  рӯзгор,  маснуоти  муина,  ҳамчунин  технологияҳои  нави  энергетикаи  ивазшаванда  мебошанд.