Нархи чиптаҳои баъзе хатсайрҳои роҳи оҳан арзон шуд

Душанбе, 20.05.2015. (АМИТ «Ховар», Кристина Эрлих).- Корхонаи воҳиди давлатии «Роҳи оҳани Тоҷикистон» нархи чиптаҳои роҳи оҳан дар хатсайрҳои Душанбе Маскав ва Хуҷанд — Маскавро арзон кард. Тавре ки аз корхонаи мазкур ба АМИТ «Ховар» хабар доданд, қарор дар бораи арзон кардани арзиши чиптаҳо баъди гуфтушунид бо роҳбарияти роҳҳои оҳани кишварҳое, ки қатораҳои Тоҷикистон сарҳади онҳоро убур мекунанд, қабул шуд. Акнун нархи чиптаи хатсайри Душанбе — Маскав 1 ҳазору 350 сомонӣ ва нархи чиптаи хатсайри Хуҷанд Маскав 1 ҳазору 280 сомониро ташкил медиҳад. Ҳамчунин дар бораи тахфифоте тасмим гирифта шуд, ки аз он метавонанд мусофирони доимии «Роҳи оҳани Тоҷикистон» истифода намоянд. Ҳаҷми тахфиф вобаста ба ҷойи нишаст дар вагон мебошад.