Оила -рукни асосии ҷомеа

Кӯлоб,18.05.2015 (АМИТ «Ховар», Фарҳоди Мадамин).-Дар қасри фарҳанги шаҳри Кӯлоб бахшида ба Рӯзи байналмилалии оила таҳти унвони «Оила -рукни асосии  ҷомеа» вохӯрӣ доир гардид.  Даромадгоҳи қаср бо дастовардҳои мардумӣ, шиору овезаҳои мансуб ба ин ҷашн оро ёфта буд, ки иштирокчиён аз  ин намоишгоҳ дидан карданд. Дар чорабинӣ се ҷуфт дугоник, яке аз ҷамоати Даҳана ва ду ҷуфти дигар аз шаҳр, панҷ оила намунавӣ аз ҷамоатҳои ноҳия ва шаҳри Кӯлоб иштирок карданд. 
Раиси шаҳри Кӯлоб Хайрулло Амонулло гуфт, ки эълони соли 2015 чун соли оила маҳз баҳри таҳкими оила ва мустаҳкамии оилаҳои ҷавон мебошад. Рӯз аз рӯз  сафи оилаҳо меафзояд ва маҳз чунин чорабиниҳо барои тарбияи оилаҳои ҷавон ва бархурдории онҳо аз фарҳанги оиладорӣ дар асоси рукнҳои фарҳангии ниёгонамон таъсиррасон мебошад.