Рақибони эҳтимолии “Истиқлол” дар 1/4 финали Ҷоми АФК
Душанбе, 29.05.2015. (АМИТ «Ховар», Меҳрони Қурбон).-Бозиҳои ҳаштякниҳоии Ҷоми АФК-2015 рақибони эҳтимолии “Истиқлол”-и Тоҷикистонро дар даври чорякниҳоӣ муайян карданд.Аз рӯи натоиҷи бозиҳои ҳаштякниҳоии Ҷоми АФК (Конфедератсияи футболи Осиё)-2015, ки рӯзҳои 26-27 май баргузор шуданд, ширкаткунандагони даври чорякниҳоӣ ва рақибони эҳтимолии дастаи “Истиқлол”-и Тоҷикистон маълум шуданд.
Ёдовар мешавем дастаи «Истиқлол», ки дар даври ҳаштякниҳоӣ дар майдони худ дастаи “Ал-Ваҳда”-и Сурияро аз рӯи силсилаи пеналтӣ шикаст дод, ба даври чорякниҳоӣ роҳ ёфт. Рақиби “Истиқлол” дар чорякфинал аз рӯи қуръакашӣ, ки 18 июн дар қароргоҳи Конфедератсияи футболи Осиё дар пойтахти Малайзия — Куала-Лумпур — доир мешавад, муайян хоҳад шуд.
Бояд зикр кард, ки рақибони эҳтимолии дастаи «Истиқлол» дар чорякфинали Ҷоми АФК метавонанд дастаҳои «Саут Чайна» ё «Китчӣ»-и Ҳонконг, «Ал-Қодсия» ё КВ «Кувайт»-и Кувайт, «Ҷоҳор Дарул Такзим»-и Малайзия ё «Ал-Ҷайш»-и Сурия шаванд.
Хотиррасон менамоем, ки бозиҳои аввали чорякниҳоии Ҷоми АФК рӯзҳои 25-26 август, бозиҳои ҷавобӣ 15-16 сентябр баргузор мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






