Рашт: кишти баҳории зироат дар авҷ аст

 Рашт, 21.05.2015.(АМИТ «Ховар», Субҳониддини Маҳмуд).-Сардори раёсати кишоварзии ноҳияи Рашт Абдураззоқ Салимов иттилоъ дод, ки дар ноҳия 2391 гектар кишти баҳорӣ ба нақша гирифта шудааст, ки аз ин 1045 гектар ғаладонаи баҳорӣ, 1000 гектар картошка, 165 гектар зироати техникӣ, 60 гектар сабзавот буда, дар 38 гектар бунёди боғҳои нав дар назар аст. Деҳқонони ноҳия аз ҳавои офтобӣ истифода карда, талош доранд ки ҳарчи зудтар кишти  баҳориро ба анҷом расонанд. То имрӯз 750 гектар гандум, 553 гектар картошка кишт шуда, 107 гектар боғи нав бунёд шудааст, ки бунёди боғ аз нақша  се маротиба зиёд аст.
 Кишти картошкаро аввалин шуда дар ноҳия деҳқонони ҷамоати деҳоти Қалъанак ба анҷом расониданд.