Семинари кормандони АНМН

Душанбе, 05.05.2015. (АМИТ «Ховар»,  Муқаддас  Темурзода).- 4 май дар  шаҳри  Душанбе  семинари  серӯза  дар  мавзӯи «Такмили ҳуқуқ ба фаъолияти эҷодии АНМН (Агентии  назорати  маводи  нашъаовар)»  барои  омӯзиши  таҷрибаи  пешқадам  ба  манзури   такмили  фаъолияти  эҷодӣ  ба  кораш  шурӯъ  кард. Дар  кори  семинар 20  нафар  кормандони   дастгоҳи  марказии АНМН  ва сохторҳои  вилоятии он ширкат  доранд.
Назар  ба  иттилои  АНМН ҶТ,  семинар  мутобиқи  дурнамои  гурӯҳи  байналмилалии  кор бо  дастгирии   дафтари Раёсати  СММ  оид ба  маводи  мухаддир  ва  ҷинояткорӣ   дар  ҳошияи лоиҳаи «Агентии  назорати  маводи  нашъаовари  Тоҷикистон» рӯи  кор  оварда,  мутахассисони  Маркази  миллии қонунгузории  назди Президенти  ҶТ ва Вазорати  адлияи  ҶТ ба он  даъват  шудаанд.
Назар  ба  гуфтаи  манбаъ,  кормандони Агентӣ  мафҳуму  принсипҳои асосии ҳуқуқ ба фаъолияти  эҷодӣ, тамоюлҳои такмили  қонунгузорӣ,  усулҳои  таҳия  ва тарҳрезии  санадҳои  меъёрию  ҳуқуқиро  меомӯзанд.