Суғд: Қоматафрозии муҷассамаи Неъмат Қаробоев
Хуҷанд, 12.05.2015. (АМИТ “Ховар”, Абдуаҳад Шарифзода).-Дар рӯзҳои ҷашни 70-солагии Ғалаба дар вилояти Суғд баҳри арҷгузорӣ ба корнамоиҳои абармарди набардҳои Ҷанги дувуми ҷаҳонӣ, аввалин Қаҳрамони Иттиҳоди Шӯравӣ Неъмат Қарабоев дар зодгоҳаш муҷассамаи ёдбуд қомат афрохт.
Тавре ки масъулин аз Шӯрои собиқадорони ҷангу меҳнати вилояти Суғд иттилоъ доданд, Неъмат Қарабоев зодаи деҳаи Шаҳидқароянтоқи шаҳри Конибодом буда, ӯ аввалин Қаҳрамони Иттиҳоди Шӯравӣ аз Тоҷикистон дар набардҳои Ҷанги дувуми ҷаҳонӣ ба ҳисоб меравад. Ҳарчанд соли 1966 Мактаби таҳсилоти миёнаи умумии №16-и деҳааш ба номи ин қаҳрамон гузошта шуд, вале ҳайкали худи Неъмат Қарабоев танҳо соли ҷорӣ дар арафаи таҷлили 70 — солагии Иди Ғалаба дар саҳни ин мактаб гузошта шуд.
Ба гуфти манбаъ, Неъмат Қарабоев аввалин тоҷикест, ки бо унвони Қаҳрамони Иттиҳоди Шӯъравӣ сарфароз гардидааст. Ӯ моҳи марти соли 1940 барои корнамоиҳои шоён дар ҷанги фину шӯравӣ ба унвони Қаҳрамони Иттиҳоди Шӯравӣ мушарраф гардида, баъдан пас аз анҷоми ҷанги мазкур дар омӯзишгоҳи тирандозии шаҳри Сухуми таҳсил намуда, аз рӯзҳои аввали оғози Ҷанги дуюми ҷаҳонӣ ба фронт равона шуда, моҳи январи соли 1943 ҳангоми убури дарёи Дон ҳалок шудааст.
Ба муносибати қомат афрохтани муҷассамаи ёдбуди Неъмат Қарабоев дар мактаби №16-и зодгоҳаш бо иштироки масъулини мақомоти шаҳри Конибодом бо роҳбарии раиси шаҳр Ғайбулло Боҳирӣ, собиқадорни ҷангу меҳнат, хонандагони мактаб, наздикону пайвандони қаҳрамони деҳа чорабинии тантанавӣ доир гардид.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
