Супориши Президент иҷро мешавад

Файзобод, 05.05.2015. (АМИТ «Ховар», Субҳониддини Маҳмуд).- Бо супориши Президенти мамлакат имрӯзҳо барои сокинони деҳаи Яккабеди ҷамоати  деҳоти Меҳробод аз мавзеи Дараи токо, ки зиёда аз 8 километр масофа дорад, кашидани хатти нави оби нӯшокӣ идома дорад. Барои сохтмони он беш аз як миллион сомонӣ сарф мегардад, ки он аз ҳисоби маблағҳои Ҳукумати мамлакат ҷудо гардидааст. 
Дар айни ҳол дар иҷрои корҳои сохтмонӣ хизматчиёни  Кумитаи ҳолатҳои фавқулода ва мудофиаи шаҳрвандии ҷумҳурӣ  ва сокинони ноҳия иштирок доранд. Бояд хотиррасон шуд, ки хати пешини оби нӯшокии дехаи мазкур бар асари фаромадани ярч  рӯзи 3 апрел канда шуд.