Тантанаҳои ҷавонӣ дар Боғи Ирам

Душанбе, 19.05.2015. («АМИТ Ховар», Некрӯзи Муҳаммадсодиқ).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон силсилаи чорабиниҳоро таҳти унвони «Ҷавонон давомдиҳандагони ҳадафҳои олии кишвар»  бахшида ба Рӯзи ҷавонони Тоҷкистон доир менамояд. 
Дар робита ба ин 23-уми май соати 18-00 дар маҷмааи Амфитеатр ва деҳаи шарқии «Боғи Ирам» маросими ҷамъбасти Спартакиадаи донишҷӯёни муассисаҳои таҳсилоти олии касбии ҷумҳурӣ доир мешавад. Ҳамчунин тантанаҳои  ҷавонӣ бо иштироки васеи ҷавонони  гуногункасб  ва ҳунармандони маҳбуби кишвар, аз ҷумла Нигина Амонқулова, Дамирбек Олимов, Баҳром Ғафурӣ, Шаҳроми Абубакр, Ситораи Кароматулло, Файзигул Юсуфӣ,  гурӯҳи «Шамс», ҳаҷвнигор Ҳасани Чилла, театр-студияи  ҳаҷвии «Шакарханд» доир мегарданд.