Таъсиси филиали «Самрау» дар ДМИТ
Душанбе, 29.05.2015. (АМИТ «Ховар», Раъно Нусратуллозода).-28 май ректори Донишкадаи молия ва иқтисоди Тоҷикистон Ашурбой Солеҳзода бо ректори Академияи хизмати давлатӣ ва идораи назди Президенти Ҷумҳурии Бошқирдистон Сергей Лаврентев, муовини ректор оид ба илми Академияи мазкур Юрий Дорожкин ва директори иҷроияи Маркази Авруосиёӣ «Самрау» Константин Сафронов мулоқот намуд. Тавре ки аз ДМИТ иттилоъ доданд, ректор роҷеъ ба фаъолияти таълимиву тарбиявӣ, илмӣ ва равобити хориҷии донишкада, сохтор ва ихтисосҳои амалкунанда маълумоти муфассал дод.
Ҷонибҳо масъалаҳои марбут ба ҳамкории дуҷонибаро мавриди муҳокима қарор доданд.
Сергей Лаврентев иброз дошт, ки онҳо ният доранд бо ДМИТ ҳамкории густурдаро дар ҳамаи зинаҳои таҳсилот ба роҳ монанд.
Баъдан созишномаи дуҷониба оид ба ҳамкорӣ дар самти таълимӣ, илмию тадқиқотӣ ва ташкили филиали «Самрау» дар ДМИТ ба имзо расид.
Меҳмонон аз ҷараёни машғулиятҳо, маркази тестӣ ва толори варзишию синфхонаҳои лингафонӣ дидан намуда, дар толори лексионии бинои дуюм бо доираи васеи устодон ва донишҷӯён мулоқоти судманд анҷом доданд. Онҳо миннатдории хешро ба роҳбарияти донишкада баён карда, аз шароити таҳсил ва синфхонаву лабораторияҳои бо технологияҳои нави замонавӣ муҷаҳҳаз изҳори қаноатмандӣ намуданд.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






