Телевизиони Кӯлоб 23 сола шуд

Кӯлоб, 16.05.2015.(АМИТ «Ховар», Фарҳоди Мадамин).-Дар телевизиони Кӯлоб бахшида ба 23-юмин солгарди таъсиси телевизион таҳти унвони «Саҳми телевизиони Кӯлоб дар тарбияи ватандўстӣ, сиёсӣ, маънавӣ, фарҳангии ҷомеа» конфронси илмӣ-амалӣ баргузор гардид. Дар конфронс намояндагони мақомоти иҷроияи шаҳри Кӯлоб, олимону адибон иштирок намуданд. Дар конфронс директори телевизиони Кӯлоб Сафаралӣ Бозорзода зикр кард, ки ин телевизион 23 сол қабл: 14 майи соли 1992 ташкил шуд. Дар рўзҳои таъсиси телевизион вазъи сиёсии ҷомеа бисёр ҳассос буд, лек ба ҳамаи ин нигоҳ накарда, кормандони телевизион баҳри дуруст инъикос намудани вазъият саҳми худро гузоштанд. Телевизион дар вазъияти имрӯза даргоҳи тарбия намудани журналистони ҷавон мебошад.Дар анҷоми конфронс як гурӯҳ собиқадорон, кормандони фаъол бо ифтихорнома ва нишони сарисинагии 23-солагии телевизиони Кӯлоб сарфароз гардиданд.