Зарари офати табиӣ ба деҳоти Ҷиликул
Душанбе, 12.05.2015. (АМИТ «Ховар», Лайло Тоирӣ).- Бино ба иттилои маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон 11-уми майи соли 2015 соати 17:41 дақиқа дар натиҷаи боридани боронҳои бошиддат ва омадани сел ба ҷамоати шаҳраки «20-солагии Истиқлолияти Ҷумҳурии Тоҷикистон» деҳаи Бўстон ва ҷамоати деҳоти «Деҳқонобод» деҳаи Тоҷикободи ноҳияи Ҷиликул зарари иқтисодӣ расид.
Тавре ки котиби матбуоти кумита Ориф Нозимов иттилоъ дод, дар ҷамоати шаҳраки«20-солагии Истиқлолияти Ҷумҳурии Тоҷикистон»-и ноҳияи Ҷиликул ба дохили 11 хонаи истиқоматӣ ва ба заминҳои наздиҳавлигии сокинони ин шаҳрак обу лойқа даромада, як пули байнимаҳаллии деҳаи Кўҳдоманро пурра вайрон намуда, инчунин ба саҳни муасиссаҳои миёнаи таҳсилоти умумии №29, 37, 35 ва 22 обу лойқа даромадааст.
Аз ҷумла, дар ҷамоати деҳоти «Деҳқонобод» деҳаи Тоҷикободи ноҳияи Ҷиликул ба дохили 12 хонаи истиқоматӣ ва заминҳои наздиҳавлигии шаҳрвандон обу лойқа даромада, зарар расонидааст.
Дар айни ҳол дар ҷои ҳодиса сардори Ситод оид ба ҳолатҳои фавқулода ва мудофиаи граждании вилояти Хатлон Ҳотамшоҳ Шарифов бо ҳайати комиссияи ҳолатҳои фавқулодаи ноҳия фаъолият намуда, маблағи зарари расонидашударо муайян намуда истодаанд.
Талафоти ҷонӣ ба қайд гирифта нашудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






