Зарари заминларза бартараф мешавад
Душанбе, 21.05.2015. (АМИТ «Ховар», Лайло Тоирӣ).-Тавре ки дирӯз иттилоъ додем, 20 майи соли ҷорӣ соати 8:31 дақиқа бо вақти маҳаллӣ дар ҳудуди Ҷумҳурии Тоҷикистон заминларза ба қайд гирифта шуд. Маркази заминларза 120 км шимолу шарқ, дуртар аз шаҳри Душанбе буда, қувватнокӣ дар марказ 4 — 5 балл, дар шаҳри Душанбе 2 — 3 баллро ташкил дод. Бино ба иттилои пешакии хадамоти матбуоти Кумитаи ҳолатҳои фавқулода ва мудофиаи граждании ҷумҳурӣ, дар натиҷаи заминларза ба як зумра шаҳру ноҳияҳои ҷумҳурӣ зарар расонид. Аз ҷумла, дар ноҳияи Тавиллдара дар ҷамоати деҳоти Чилдараи деҳаи Чашмаи кабуд дар девори 1 хонаи истиқоматӣ тарқиш пайдо шуда, дар мактаби №1-и шаҳри Роғун, ки аз ду ошёна иборат мебошад, се синфхона ва ду утоқи корӣ осеб дидааст. Инчунин дар шаҳраки Оби Гарм дар мактаби №3, ки аз се ошёна иборат мебошад, дар деворҳои 15 синфхона тарқишҳо ба вуҷуд омадаанд.Тибқи маълумоти комиссияи ҳолатҳои фавқулодаи шаҳри Роғун биноҳо зарари ҷиддӣ надида, дар онҳо идомаи таҳсил имконпазир аст. Дар мактаби таҳсилоти умумии №33-и ҷамоати деҳоти Сари Хосор деҳаи Мулокони ноҳияи Балҷувон ду синфҳона пурра зарар дидааст. Инчунин дар натиҷаи фаромадани ярч дар деҳаи Қозиёни ҳамин ҷамоат 20 хонаи истиқоматӣ қисман зарар дидааст. Комиссияи ҳолатҳои фавқулодаи ноҳиявӣ барои муайян намудани зарари расида ба ҷои воқеа сафарбар гардидааст. Талафоти ҷонӣ ба қайд гирифта нашудааст. Тавре ки сардори Маркази матбуоти Кумитаи ҳолатҳои фавқулода ва мудофиаи граждании назди Ҳукумати Чумҳурии Тоҷикистон Ориф Нозимов хабар дод, бартарафкунии ҳолати мазкур мувофиқи таснифот бар дӯши мақомоти давлатии ҳокимияти ноҳия вогузор шудааст.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






