Ҳамоиши тантанавӣ дар Қасри Арбоб
Душанбе,29.06.2015. (АМИТ «Ховар», Раъно Нусратуллозода).-«Созишномаи умумии истиқрори сулҳ ва ризоияти миллӣ дар Тоҷикистон марҳилаи наверо дар ҳаёти сиёсиву иқтисодӣ, маънавию фарҳангии мамлакат оғоз бахшид»,-зикр намуд раиси вилояти Суғд Абдураҳмон Қодирӣ дар чорабинии тантанавӣ бахшида ба 18 — умин солгарди Рӯзи Ваҳдати миллӣ дар Қасри таърихии Арбоб.
Тибқи иттилои Хадамоти матбуоти раиси вилояти Суғд А. Қодирӣ иброз дошт, ки Тоҷикистони соҳибистиқлол, ки бар асари ҷанги шаҳрвандӣ талафоти фаровони моливу ҷонӣ дида, пояҳои иқтисодиву иҷтимоии он хароб гардида буданд, дар сароғози даврони навини таърихи давлатдории хеш ба бӯҳрони шадиди сиёсӣ рӯ ба рӯ гардид. Талошҳои пайгиронаи Сарвари давлат Эмомалӣ Раҳмон, ки аз минбари Иҷлосияи шонздаҳуми Шӯрои Олии Тоҷикистон сарчашма гирифта, то ба имзои Созишномаи умумии истиқрори сулҳ ва ризояти миллӣ расиданд, офтоби пурбаракоти сулҳу ваҳдатро барои тоҷикистониён чун неъмати худовандӣ ато овард. Ҳосили талошҳои роҳбари сулҳофар ва меъмори ваҳдати миллати тоҷик Эмомалӣ Раҳмон дар баробари эҷоди равобити густурдаи Тоҷикистон бо мамолики олам дар ҷаҳони муосир сулҳи тоҷиконро ҳамчун таҷрибаи бузургу мондагори давлатдорӣ муаррифӣ сохт.
Таъкид шуд, ки имзои созишномаи умумии истиқрори сулҳ ва ризоияти миллӣ дар Тоҷикистон, ки ба заҳмату талош ва ибтикороти беш аз панҷсолаи Сарвари давлат Эмомалӣ Раҳмон такя мекунад, ормоншиносӣ ва сабақгирӣ аз дарси сарнавишти таърихии тоҷикон маҳсуб мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






