Аз 3 то 5 июл ҳарорати ҳаво 45-47 дараҷа гарм хоҳад шуд
Душанбе, 30.06.2015. (АМИТ «Ховар», Лайло Тоирӣ).-Тавре ки аз Хадамоти обуҳавошиносии ҷумҳурӣ ба АМИТ «Ховар» иттилоъ доданд, дар ноҳияҳои вилояти Хатлон ва ноҳияҳои тобеи ҷумҳурӣ ҳарорат то +45 — +47 дараҷа боло меравад.
Авҷи гармӣ ба рӯзҳои 3,4 ва 5 июл рост омада, рӯзҳои баъдӣ ҳарорати ҳаво тадриҷан поён хоҳад фаромад. Рӯзҳои 3 ва 5 июл ҳарорат дар шаҳри Душанбе +38 +43 дараҷа гарм хоҳад шуд.
Имрӯз, 30 июн дар тамоми минтақаҳои Тоҷикистон ҳаво софу беғубор буда, рӯзона ҳаво +38 +40 дараҷа гарм шуда, вазиши шамоли суст дар назар аст.
Шабона ҳаво бебориш буда, ҳарорат +18 +20 дараҷа гарм хоҳад шуд. Дар Душанбе рӯзона ҳаво то +37+39 дараҷа гарм мешавад.
1 ва 2 июл ҳавои соф дар назар буда, шабона ҳаво +18 +20 ва рӯзона +37 +39 дараҷа гарм мешавад.
Ҳавосанҷон чунин гармиро бо таъсири расидани ҳавои гарм аз ҷониби нимҷазираи Араб, ки бо Арабистони Саудӣ, Ироқ ва Урдун ҳамсарҳаданд, вобаста медонанд.
Пагоҳ, 1 июл дамои ҳаво дар вилояти Хатлон +39 +41 дараҷа, дар вилояти Суғд +37 +39 дараҷа, дар НТҶ +38 +40 дараҷа гарм, дар ғарби ВКМБ +29 +31 дараҷа ва дар шарқи ин вилоят +18 +25 дараҷа гармӣ дар назар аст. Дар Душанбе ҳаво +38 +39 дараҷа гарм хоҳад шуд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
