Дар задухӯрд миёни ДИИШ ва «Толибон» дар Нангарҳор 12 низомӣ фавтид

Душанбе, 29.06.2015. (АМИТ «Ховар»).-Рўзи шанбе дар қисмати шарқии минтақаи Нангарҳори Афғонистон дар натиҷаи задухўрд миёни низомиёни ҳаракати «Толибон» ва гурӯҳи  «Давлати исломӣ» 12 ошўбгар кушта шуд. 

ДИИШ дар ин амалиёт 5 нафарро бо шумули қумандон Қорӣ Мирвайс аз даст дод, ки ӯ бо номи Нусрат низ машҳур буд. Дар ҷараёни задухӯрд 5 нафар низомии ДИИШ захмӣ шуд. Аз «Толибон» 7 нафар кушта ва 8 кас захмӣ шуд, хабар медиҳад Оҷонсии иттилоотии «Пажвок» бо такя ба хабари Вазорати мудофиаи ҶИА. 

Ёдрас мекунем, ки тақрибан 2 ҳафта пеш толибон ба номи раҳбари «Давлати исломӣ» Абубакр ал-Бағдодӣ муроҷиатнома интишор карданд, ки дар он аз ў талаб мешавад, то ба корҳои онҳо дар Афғонистон дахолат накунанд.