Даъват ба вахдату худшиносӣ мароми мост

Ваҳдат, 27.06.2015. (АМИТ»Ховар», Субҳониддини Маҳмуд).-Дар шаҳри Роғун 4 гурӯҳи корӣ аз ҳисоби кормандани масъул, фаъолону зиёиён ва имомхатибони масҷидҳо ташкил шудааст, ки аъзои он бо сокинони деҳаву маҳаллаҳои 11 ҷамоати шаҳраку деҳот ва 10 минтақаи маркази шаҳр мунтазам вохӯрда, корҳои фаҳмондадиҳиро зери шиори «Вахдати миллӣ мароми мост»  роҳандозӣ  менамоянд. Мақсади асосии таъсиси ин гурӯҳҳо аз пурқувват кардани корҳои ташвиқотӣ дар миёни аҳолӣ оид ба дастовардҳои даврони Истиқлолияти давлатӣ, пойдории сулҳу  ваҳдати миллӣ, инчунин баланд бардоштани фарҳанги миллӣ, тақвияти ҳисси худшиносиву худогоҳӣ, тарбияи наврасону ҷавонон дар рӯҳияи ватандӯстӣ, ҳимояи дунявияти ҷомеа,  гирифтани пеши роҳи  гаравиши ҷавонон ба равияҳои тундгарову ифротӣ  иборат аст. 

Дар ин бора муовини раиси шаҳри Ваҳдат  Фарзона  Хоҷаева ба хабарнигори АМИТ «Ховар» хабар дод.  

Ҳамчунин аъзои гурӯҳ  дар якҷоягӣ бо бахши кор бо занон ва оилаи шаҳр бо занони ҷамоатҳо  мулоқот ва суҳбатҳои фардӣ гузаронида, оид ба ҳалли мушкилоти зиндагӣ ва муносибатҳои оилавӣ маслиҳатҳои судманд медиҳанд.