Ду шаҳрванди Федератсияи Русия дар садама ба ҳалокат расид
Душанбе, 30.06.2015. (АМИТ «Ховар», Лайло Тоирӣ).-Мусофирони мошини тамғаи “Опел-Астра”- ду шаҳрванди 27 ва 26-солаи Федератсияи Русия 29 июн дар натиҷаи садама ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд. Ронандаи мошини мазкур, сокини шаҳри Кӯлоб ҳангоми ҳаракат аз самти шаҳри Қурғонтеппа ба самти шаҳри Кӯлоб дар ҳудуди ноҳияи Данғара, ҷамоати деҳоти И.Шариф аз уҳдаи идораи воситаи нақлиёт набаромада, мошинаш ба таги пули обгузар ба чуқурии 8 метр чаппа шудааст. Ронанда ҷароҳати ҷисмонӣ бардошта, дар беморхона бистарӣ гардидааст.
Ҳамчунин дар ин рӯз ронандаи мошини тамғаи “Опел-Астра”, марди 46-солаи сокини ноҳияи Мастчоҳ ҳангоми ҳаракат бо роҳи мошингарди Душанбе-Хуҷанд-Бӯстон-Чаноқ дар ҳудуди ноҳияи Мастчоҳ аз уҳдаи идора кардани воситаи нақлиёт набаромада, ба самти муқобили роҳ баромада, ба мошини тамғаи “ВАЗ-2106”, таҳти идораи ронанда, марди 35-солаи сокини ноҳияи Мастчоҳ бархӯрдааст. Дар натиҷа ронандаи мошини тамғаи “ВАЗ-2106” ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. Мусофири мошини мазкур, ноболиғ, писарчаи 9-сола, ҷароҳати ҷисмонӣ бардошта, дар беморхона бистарӣ гардидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






