Кӯлоб: Довталабони таҳсил дар коллеҷи милитсия зиёданд

Кӯлоб,27.06.2015. (АМИТ «Ховар», Фарҳоди Мадамин).-Як сол қабл  бо фармони вазири корҳои дохилии Ҷумҳурии Тоҷикистон дар шаҳри Кӯлоб коллеҷи милитсия таъсис гардид. Дар ин даргоҳи дониш сараввал фарзандони кормандони милитсия, ки баҳри барқарор намудани волоияти қонун қурбон шудаанд, баъдан ҷавонони  ятим, бесаробон ва ба инҳо баробар таҳсил мекарданд. Ҳоло дар ин таълимгоҳ зиёда аз 150 нафар ҷавон таъсил мекунад, ки оянда ҳомии ватани худ мешаванд.

Имсол ба ин даргоҳи таълимӣ зиёда аз 400 нафар ҷавонони шаҳри Кӯлоб, ноҳияҳои минтақаи Кӯлоб ва берун  аз он барои дохил шудан ҳуҷҷат супориданд. Тибқи иттилои корманди коллеҷ дирӯз, 26- июн рӯзи аввали қабул баргузор гардид. Тибқи дастур ҷавононе, ки ҳуҷҷат супоридаанд, аз муоинаи тиббии марказонидашудаи кормандони тиббии Вазорати корҳои дохилӣ мегузаранд. 

Дар сурати сарбаландона супоридани имтиҳонҳо ҷавонон курсанти коллеҷи милитсия мегарданд.