Кумаки Ҳилоли Аҳмар ба ниёзмандон

Кӯлоб, 27.06.2015. (АМИТ «Ховар», Фарҳоди Мадамин).-Шуъбаи ҷамъиятии Ҳилоли Аҳмар дар шаҳри Кўлоб зиёда аз 30 нафар шаҳрванди ниёзмандро бо маводи ғизоӣ таъмин мекунад. 

Кормандони ҷамъият ният доранд дар  моҳи шарифи Рамазон, ки моҳи хайру саховат, дастгирии ниёзмандон ва руҳбаланд намудани ятимон аст, онҳоро аз ҷиҳати моддӣ дастгирӣ намоянд. 

Ба иттилои масъулини Мақомоти иҷроияи ҳокимияти давлатии шаҳри Кўлоб ин амалҳои некдилона на танҳо аз ҳисоби ташкилотҳои ҷамъиятӣ,  балки аз ҷониби мақомоти иҷроияи ҳокимияти давлатӣ низ роҳандозӣ шуда, ба табақаи ниёзманди аҳолӣ пайваста кумак расонида мешавад.