Ваҳдати миллӣ- кафили созандагист
Душанбе, 27.06.2015 (АМИТ “Ховар”).- 26 июни соли равон дар Сафорати Ҷумҳурии Тоҷикистон дар Ҷумҳурии Беларус бахшида ба ҷашни Рӯзи Ваҳдати миллӣ дар мавзӯи “Ваҳдати миллӣ — кафили созандагӣ” мизи мудаввар баргузор гашт, ки дар кори он намояндагони ҷамъияти тоҷикон ва донишҷӯён иштирок намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Қозидавлат Қоимдодов меҳмононро хайрамақдам гуфта, онҳоро бо Рӯзи Ваҳдати миллӣ табрик намуд. Сафир аз ҳодисаҳои охири асри XX ёдовар шуда, гуфт: “Имрӯз ба он давраи вазнину мураккаб, ки давлати тозаистиқлоли мо ба гирдоби ҷанги бародаркушӣ кашида шуда буд, назар афканда, бори дигар то кадом дараҷа муҳиму тақдирсоз будани ваҳдату ризоияти миллиро дарк менамоем.
Президенти мамлакат муҳтарам Эмомалӣ Раҳмон борҳо таъкид намудааст, ки: “Бо кӯшишу талошҳои пайгиронаи Ҳукумати мамлакат ва албатта, бо пуштибонии халқи азизи Тоҷикистон ҳуҷҷати таърихӣ — Созишномаи умумии истиқрори сулҳ ва ризоияти миллӣ ба имзо расида, ваҳдату ҳамдигарфаҳмии миллиро ҳамчун омили асосии наҷоти миллат ва давлат эълон намуд”.
Зикр гардид, ки дар Тоҷикистон Анҷумани ҷаҳонии тоҷикон ва ҳамватанони бурунмарзӣ фаъолият мекунад, ки раисии онро Президенти мамлакат Эмомалӣ Раҳмон ба уҳда дорад. Инчунин нақшаи чорабиниҳо оид ба татбиқи «Консепсия дар бораи ҷалби ҳамватанони бурунмарзӣ ҳамчун шарикони рушди кишвар барои солҳои 2015-2020» тасдиқ шудааст, ки сохторҳои давлатӣ мувофиқи он кор мебаранд.
Намояндагони ҷамъият, донишҷӯёни тоҷик, аз ҷумла соҳибкорони тоҷики муқими Беларус аз аҳамияти бузурги Ваҳдат сухан ронданд. Аз ҷумла зикр гардид, ки сулҳ дар Тоҷикистон бо кӯшишу талошҳои пайгиронаи Роҳбари давлат, дастгирии мухолифин ва албатта, бо пуштибонии мардуми Тоҷикистон ба даст омад ва ҳар як тоҷикистонӣ бояд ба қадри он бирасад.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






