132 адад афзудани ҳодисаҳои ҷинояткорӣ дар ноҳияи Б. Ғафуров

Б. Ғафуров, 07.07.2015. (АМИТ “Ховар”, Абдуаҳад Шарифзода).-Аз оғози соли равон  дар ноҳияи Бобоҷон Ғафуров  403 ҳодисаи ҷинояткорӣ ба қайд гирифта шудааст, ки нисбат ба ҳамин давраи соли гузашта 132 адад зиёд мебошад. Ин нукта дирӯз, 6 июл зимни баргузории нишасти хабарии раиси ноҳияи Бобоҷон Ғафуров аз ҷониби Абдусамад Маннонзода таъкид шуд.      Ҳамзамон бояд гуфт, ки бекоршавии ақди никоҳ низ байни ҷавонон афзудааст. Дар шаш моҳи соли ҷорӣ дар ноҳия 1088 адад ақди никоҳ ва 256 адад бекоркунии никоҳ ба қайд гирифта шудааст, ки нисбат ба ҳамин давраи соли 2014   6 адад зиёд аст. Инчунин дар давраи ҳисоботӣ дар ноҳия 21 ҳодисаи худкушӣ ва сӯиқасд ва шомилшавии 6 сокини ноҳия ба гурӯҳҳои ифротгаро низ ба қайд гирифта шудааст.
Дар ин замина дар панҷ моҳи соли ҷорӣ дар қаламрави ноҳия зимни баргузории тӯю маъракаҳо  9 қонуншиканӣ ба қайд гирифта шудааст.