214 ноболиғ, 412 зан ва 27 шаҳрванди хориҷӣ маҳкум гардид

Душанбе, 06.07.2015. (АМИТ «Ховар», Лайло Тоирӣ).-Аз шумораи умумии маҳкумшудагон 214 нафар ноболиғ, 412 нафар зан, 27 нафар шаҳрванди хориҷӣ мебошад,- гуфт раиси Шӯрои адлия Муродзода Дӯстмурод Ҳайит имрӯз, 6 июл зимни нишасти матбуотӣ.
Дар шаш моҳи аввали соли равон ба судҳо 4 956 адад парвандаи ҷиноятӣ ворид шуда, аз он  4 241 адад баррасӣ гардид. Аз ҳисоби парвандаҳои баррасишуда 3 548 парванда нисбат ба 4 516 шахс бо баровардани ҳукм баррасӣ гардида, пешбурди 494 парванда нисбат ба 578 шахс қатъ, аз рӯи 6 адад чораи хусусияти тиббидошта 25 парванда нисбат ба 39 шахс ба тафтишоти иловагӣ баргардонида шуд. 
Дар ин давра нисбат ба 4 судшаванда ҳукми сафедкунанда бароварда шуд, ки аз он 2 шахс пурра ва 2 нафар қисман сафед гардид. 
 «Ҳамин тариқ, таҷрибаи таъйини ҷазо дар намуди маҳрум сохтан аз озодӣ 42 фоизро ташкил медиҳад, ки назар ба ҳамин давраи соли гузашта 8 фоиз зиёд мебошад»,- хабар дод раиси Шӯрои адлия.