Ҳаҷми фоиданокии «Тоҷиктелеком» беш аз 69 дарсадро ташкил дод

Душанбе, 30.07.2015 (АМИТ «Ховар», Фарзонаи Давлат).-Бо вуҷуди афзоиши сатҳи рақобат дар бозори имрӯзаи алоқа «Тоҷиктелеком» дар нимсолаи аввали соли равон сатҳи хизматрасонии алоқаро нигоҳ дошта, даромад дар ин давра ба 61 млн. 959,4 ҳазор сомонӣ расид.
Роҳбари кулли ҶСК «Тоҷиктелеком»  М. Ҳиматов имрӯз, 30-юми июл зимни натиҷагирии нимсолаи аввали соли равон гуфт, дар ин нимсола иҷрои нақшаи пешбинишуда 55 ҳазору 841,6 ҳазор сомониро ташкил дод, ки ин 111 дарсадро ташкил медиҳад ва дар муқоиса ба ҳамин давраи соли гузашта 33,1 дарсад зиёд мебошад. Дар ин давра ҳаҷми фоиданокии корхона ба 69,9 дарсад расидааст, иброз дошт ӯ.