А.Солеҳзода: 21 нафар донишкадаро бо дипломи аъло хатм намуд

Душанбе,22.07.2015. (АМИТ «Ховар», Раъно Нусратуллозода).-78   хатмкунандае, ки бо сабабҳои гуногун дар аттестатсияи давлатии хатми соли 2015 иштирок накард ё баҳои ғайриқаноатбахш гирифт, аз донишкада хориҷ шуд,-иброз дошт ректори Донишкадаи молия ва иқтисоди Тоҷикистон Ашурбой Солеҳзода имрӯз зимни нишасти матбуотӣ.  55 хатмкунанда, ки аз солҳои гузашта аз имтиҳони давлатӣ қарздор буд ё дар имтиҳони давлатӣ иштирок накарда, аз донишкада хориҷ шуда буд, имсол барқарор шуда, барои супоридани имтиҳони давлатӣ иҷозат гирифта, донишкадаро хатм намуданд. 
Донишкадаро имсол 21 нафар бо дипломи аъло хатм намуд.
Инчунин Ашурбой Солеҳзода зикр намуд, ки тибқи нақшаи гузариши давра ба давраи ихтисосҳои донишкада ба низоми кредитии таҳсилот то ба имрӯз дар 6 факулта ҷараёни таълим аз рӯи 30 ихтисос тибқи низоми кредитии таҳсилот ва дар 2 ихтисос тибқи низоми анъанавӣ амалӣ гашта истодааст.