Ғалабаи “Истиқлол” ва “Хуҷанд” бар “Парвоз”-у “Канд”
Душанбе, 27.02.2015.(АМИТ «Ховар», Меҳрони Қурбон).-25 июл чор бозии аввали Ҷоми Тоҷикистон бо дақиқаи хомӯшӣ ба ёди котиби генералии Федератсияи футболи Тоҷикистон Ислом Маҳмадшоев, ки бар асари бемории вазнини тӯлонӣ дар синни 36 вафот кард, шурӯъ шуданд. Барандаи феълии Ҷоми миллӣ- дастаи “Истиқлол”-и пойтахт дар Варзишгоҳи марказии ҷумҳуриявӣ дастаи “Парвоз”-и ноҳияи Бобоҷон Ғафуровро қабул карда, бо ҳисоби бузурги 5 бар 0 шикаст дод. Ин ғалаба собит сохт, ки соҳиби Ҷоми мамлакат барои ҳифзи унвони чемпионии худ қадамҳои устувор мегузорад.
Бояд зикр кард, ки шогирдони Мубин Эргашев аз дақиқаҳои аввал бозиро таҳти назорати худ гирифта, ба дарвозаи меҳмонони ҳавонавард 5 голи беҷавоб заданд. Ёдовар мешавем, ки ду голи дастаи пойтахтро ниммуҳофизи тими мунтахаби миллии Тоҷикистон Фатҳулло Фатҳуллоев ва як голиро Парвизҷон Умарбоев, Аҳтам Назаров ва Манучеҳр Ҷалилов ба самар расониданд.
Баъди ин ғалаба бо чунин ҳисоб дар бозии якум барои ба даври чорякниҳоии Ҷоми Тоҷикистон баромадани дастаи “Истиқлол” дигар шубҳае намемонад. Аммо дар футбол ҳама чӣ шуданаш мумкин аст ва футболбозони дастаи пойтахтро зарур аст бартарии худро дар бозии ҷавобӣ, ки рӯзи 5 август дар варзишгоҳи “Фурудгоҳ”-и ноҳияи Бобоҷон Ғафуров доир мешавад, нишон диҳанд.
Дар бозии дигар дастаи “Хуҷанд”-и Хуҷанд низ дар ин марҳилаи мусобиқа ба муваффақият ноил шуд. Дастаи соҳили Сирдарё дар майдони худ бар дастаи “Канд”-и Конибодом, ки дар Ҷоми Тоҷикистон лигаи якуми мамлакатро намояндагӣ мекунад, бо ҳисоби калони нӯҳ бар як пирӯз шуд.Хотиррасон менамоем, ки се бозингари хуҷандӣ — Дилшод Каримов, Аҳтам Ҳамроқулов ва Ҷаҳонгир Эргашев ду голӣ ва се нафари дигар — Комрони Мирзохон, Икром Каримҷонов ва Дилшод Бозоров як голӣ ба дарвозаи дастаи шаҳри Конибодом заданд. Голи пурнуфузи меҳмононро Азиз Баҳронов ба самар расонд.
Ёдовар мешавем, ки дар бозии дигар байни дастаҳои “Панҷшер”-и Румӣ ва КМВА “Помир”-и Душанбе дар Варзишгоҳи марказии ноҳияи Ҷ. Румӣ баргузор шуд, бо ҳисоби мусовӣ- 2 бар 2 ба анҷом расид. Дастаи “Хайр”-и Ваҳдат дар сафар дастаи “Саройкамар” -ро бо ҳисоби 2 бар 1 шикаст дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






