Ҷамъбасти натиҷаҳои рушди иқтисодию иҷтимоии мамлакат дар нимсолаи аввали соли 2015
Душанбе, 23.07.2015. (АМИТ «Ховар»). — Имрўз дар ҳузури Сарвазири мамлакат Қоҳир Расулзода оид ба ҷамъбасти натиҷаҳои рушди иқтисодию иҷтимоии мамлакат дар нимсолаи аввали соли равон ҷаласаи корӣ доир гардид. Оид ба дастоварду пешравиҳо ва мушкилоту норасоиҳои соҳаҳои иқтисодию иҷтимоӣ дар моҳҳои январ-июни соли равон гузориши вазири рушди иқтисод ва савдои ҷумҳурӣ Неъматулло Ҳикматуллозода шунида шуд.
Тавре ки таъкид гардид, новобаста аз вазъи мураккаби иқтисодиёти ҷаҳонӣ, ноустувории иқтисоди давлатҳои шарики савдои Тоҷикистон ва дигар омилҳои берунӣ дар ин давра қисми даромади буҷети давлатӣ 96,7 фоиз иҷро гардидааст, ки ин нисбат ба нақша 235 млн сомонӣ кам ва нисбат ба ҳамин давраи соли гузашта 847 млн сомонӣ зиёд мебошад. Маҷмӯи маҳсулоти дохилӣ бошад дар ин давра ҳамчунин ба 19 млрд. 185 млн. сомонӣ баробар шудааст.
Доир ба натиҷаҳои рушди шашмоҳаи соҳаҳои иқтисодиёт ва иҷтимоиёти мамлакат ҳамчунин роҳбарони вазорату идораҳои молия, андоз, гумрук, саноат ва технологияҳои нав, кишоварзӣ, меҳнат, муҳоҷират ва шуғли аҳолӣ ва роҳбарияти Кумитаи давлатии сармоягузорӣ ва идораи амволи давлатӣ ва дигар сохторҳои дахлдор ҳисобот доданд.
Сарвазири мамлакат барои таъмини иҷрои қисми даромади буҷети давлатӣ, ба кор андохтани иқтидорҳои нави истеҳсолӣ, фароҳамсозии ҷойҳои нави корӣ, мусоидат ба ҷараёни барқарорсозии оқибатҳои офатҳои табиии рўзҳои охир дар мамлакат рухдода, таъмини иҷрои нақшаи пардохтҳои гумрукӣ ва андоз, истифодаи самараноки маблағҳои буҷетӣ, таъмини саривақтии маош ва нафақа ба масъулин дастуру супоришҳои дахлдор дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






