Б.Ғафуров: таъсиси зиёда аз 5 000 ҷои кор аз оғози сол

Б.Ғафуров, 06.07.2015. (АМИТ «Ховар», Абдуаҳад Шарифзода).-Дар шаш моҳи соли ҷорӣ дар қаламрави ноҳия баробари ба истифода дддани коргоҳҳои нави саноатӣ, таъсиси хоҷагиҳои нави инфиродии оилавӣ ва баргузории ярмаркаҳои ҷойҳои корӣ 5304 ҷойи кор таъсис дода шуд.  
Оид ба ин масъала ва паҳлӯҳои дигари фаъолияти хоҷагии халқи ноҳия имрӯз, 6 июл зимни баргузории нишасти хабарӣ раиси ноҳияи Бобоҷон Ғафуров Абдусамад Манонзода ба рӯзноманигорон иттилоъ дод.  
-Инчунин новобаста аз иҷро нагардидани нақшаи 4 намуди андоз, қисми даромади буҷети давлатӣ дар нимсолаи якуми соли ҷорӣ 106,5% иҷро шуда, воридот 68,8 миллион сомониро ташкил додааст, ки ин нисбат ба нақшаи пешбинишуда 4,2 миллион сомонӣ зиёд буда, ҳамзамон буҷети маҳаллӣ 103,9 % иҷро гардидааст, — илова намуд манбаъ.