Боздиди Сарвазир аз ҷараёни корҳои сохтмонии роҳи оҳани Душанбе-Қурғонтеппа

Июль 3, 2015 11:04

Душанбе, 03.07.2015. (АМИТ «Ховар»). — Имрўз бо мақсади таъмини иҷрои дастуру супоришҳои Президенти Ҷумҳурии Тоҷикистон ва шиносоии бевосита бо ҷараёни корҳои сохтмонӣ Сарвазири мамлакат Қоҳир Расулзода аз қитъаи Ваҳдат-Ёвони роҳи оҳани Душанбе- Қурғонтеппа дидан кард.
     Тавре ки иттилоъ дода шуд, дар айни замон дар ин қитъаи роҳ корҳои сохтмони нақбҳо оғоз гардида, омодагӣ барои шурӯи корҳо дар пулҳои ин лоиҳа идома дорад. Мувофиқи иттилои масъулини лоиҳа то имрўз аз аввали сохтмон дар масофаи 33,26 км таҳкурсии роҳ омода гардида,  дар 11,85 км қисми болоии роҳ насб карда шудааст.
    Роҳбарият ва масъулини корҳои роҳсозӣ барои шурӯи корҳои нақбканӣ аз ду ҷониб  дар се нақби нисбатан тўлонӣ, сари вақт  оғоз  кардани сохтмони панҷ адад пули дарозии умумияшон 681 метр ва анҷоми босифати тамоми  корҳои  заминӣ  дар муҳлатҳои муқараргардида  вазифадор шуданд.
    Дар идомаи сафар Сарвазири мамлакат дар ноҳияи Ёвон бо ҷараёни сохтмони корхонаи криолит, корхонаҳои семент  ва масолеҳи дигари  сохтмонӣ  шинос  шуд. Сохтмони ин корхонаҳо дар асоси дастуру супоришҳои Президенти Ҷумҳурии Тоҷикистон бо мақсади рушди саноати кимиёвӣ, коркарди ашёи хоми маҳалӣ, фароҳам овардани ҷойҳои нави корӣ ва баланд бардоштани иқтидори саноатии мамлакат пеш гирифта, дар  шуда ояндаи наздик мавриди баҳрабардорӣ қарор дода мешаванд. 

Июль 3, 2015 11:04

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд