Дар Душанбе корхонаи ҷамъоварӣ ва насби мошинҳои коммуналӣ бунёд мешавад
Душанбе, 09.07.2015.(АМИТ «Ховар», Марзия Саидзода).- Корхонаи воҳиди давлатии «Хоҷагии манзилию коммуналӣ» тасмим гирифтааст, ки дар ҳамкорӣ бо ширкати «Газ»-и шаҳри Нижний Новгороди Русия дар Душанбе корхонаи муштараки ҷамъоварӣ ва насби мошинҳои коммуналиро дар оянда бунёд намояд. Дар ин бора ба хабарнигорон Исломзода Алимурод Тағоймурод -директори КВД «Хоҷагии манзилию коммуналӣ» 9 июл зимни нишасти матуботӣ иттилоъ дод.
Мавсуф афзуд, ки алҳол доир ба ин масъала бо ҷониби Русия гуфтушунидҳо идома доранд. Алимурод Тағоймурод зикр кард, ки барои аз Русия интиқол додани як мошини партовкашонӣ тавассути вагон ба болои нархи он 5 ҳазор доллар зам мегардад, ки ин хеле гарон буда, корхона имкони харидории онро надорад. Дар сурати ташкили корхонаи муштараки ҷамъоварӣ ва насби мошинҳои коммуналӣ дар Душанбе нархи мошинҳои коммуналӣ коҳиш меёбад. Дар ин сурат агар дар ду вагон таҷҳизот ва қисмҳои эҳтиётии 20 мошинро ба Тоҷикистон орем, дар ин маврид 90 ҳазор доллар сарфа мешавад.
Алимурод Тағоймурод афзуд, ки алҳол арзиши як мошини партовкашонии «Камаз», ки 5 кубометр ҳаҷм дорад, 100 ҳазор доллар аст ва нархи мошинҳои дигари партовкашонӣ аз ин ҳам баландтар мебошад. Ин дар ҳолест, ки танҳо дар нимсолаи аввали соли равон аз ҳисоби марказҳои лоиҳаҳо, КВД «Хоҷагии манзилию коммуналӣ» 42 техникаи коммуналӣ дастрас намуда, ба шаҳру ноҳияҳои кишвар супоридааст. Алҳол КВД «Хоҷагии манзилию коммуналӣ» дорои 888 техникаи комммуналӣ мебошад, ки аз он 552 адад фаъолият намуда, 337 адад дар муҳлати дуюму сеюм кор мекунад.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
