Дарвозабони «Арсенал»-ро «Рома»-и Италия бо маблағи 5-млн евро бо худ бурд

Душанбе,   24.07.2015(АМИТ «Ховар», Меҳрони  Қурбон).-Клуби футболи «Рома»-и Италия дар бораи ба иҷора гирифтани   дарвозабони дастаи «Арсенал» Войтсех Шесни бо маблағи 5-млн евро ё худ 3,5 млн фунт муваффақ гардид. Ба иттилои нашрияи «The Guardian » ду клуби номбурда тайи чанд рӯз барои гузариши ин дарвозабон гуфтушунид анҷом дода, билохира барои 12 моҳ розӣ шуданд. Бояд гуфт, ки Войтсех Шесни соли 2006-ум ба дастаи «Арсенал» омада, шуруъ аз  мавсими соли 2010/11 мавқеи хешро дар ҳайати асосӣ мустаҳкам намуд. Вале бо сабаби он, ки Войтсех Шесни дар бозиҳо ба иштибоҳҳо роҳ дод, мавқеи хешро дар ҳайати асосӣ аз даст дод ва дар ҳайати эҳтиётӣ нишаст.