Эҳтироми Шайхулислом ба забони тоҷикӣ ва кумакаш ба зарардидагони офати табиӣ

Душанбе, 22.07.2015.(АМИТ «Ховар», Марзия Саидзода).- Раиси идораи мусулмонони Қафқоз Шайхулислом Аллоҳшукур Пошозода дар ҷараёни баргузории конфронси байналмилалии «Ислом зидди экстремизм ва терроризми динӣ»,   ки имрӯз дар Душанбе оғоз ёфт, гуфт, ки  ба сокинони аз офатҳои табиӣ зарардидаи минтақаи шарқи Тоҷикистон 10 ҳазор $  кумак менамояд. 
   Шайхулислом Аллоҳшукур Пошозода зимни суханронияш гуфт, ки:  забони модариаш озарист, аммо ба забон, фарҳанг ва миллати тоҷик эҳтироми бузург дорад. Роҳбари мусулмонони Қафқоз дар назди иштирокдорони конфронси байналмилалӣ бо забони ноби тоҷикӣ баромад кард ва суханронии Пошозода аз ҷониби аҳли толор  бо кафкӯбии бардавом истиқбол гирифта шуд. 
   Ин дар ҳоле сурат гирифт, ки Абдуҷаббор Раҳмонзода- Ёрдамчии Президенти кишвар  оид ба масъалаҳои иҷтимоӣ ва робита бо ҷомеа, дар оғози конфронс доир ба ҳодисаҳои табиӣ дар манотиқи кӯҳистони Тоҷикистон, ки рӯзҳои охир ба вуқуъ омад ва хисороти ҷонию молӣ ба бор овардааст,  гузориш дод.