Файзобод: нақшаи пилла барзиёд иҷро шуд

Файзобод, 08.07.2015. (АМИТ «Ховар», Субҳониддини Маҳмуд).-   Нақшаи имсолаи пилла дар ноҳияи Файзобод 4 тонна буд ва он то имрӯз ба қадри 4 тоннаю 20 килограмм иҷро  шуд. 
Ба иттилои роҳбари Корхонаи фаръии   пиллахушккунии ноҳияи Файзобод Ҷамшед Қодиров  қисме аз кирмакпарварон аз як қуттӣ кирмаки навъи чинӣ  то 65  килограмм пилла супориданд. Бояд гуфт, ки навъи кирмаки мазкур  соли дуюм аст дар ноҳия  парвариш мешавад.  Парвариши ин навъ нисбат ба навъҳои дигар осонтар буда,  як куттӣ кирмак  дар давоми парвариш аз 900 то 1100 килограм  барги тут истеъмол мекунад.