Истифодаи захираҳои гидроэнергетикии дарёҳои хурди Тоҷикистон
Душанбе, 29.07.2015. (АМИТ «Ховар).-Муасисаи давлатии «Маркази идораи лоиҳаҳои бахши электроэнергетика» дар доираи татбиқи лоиҳа оид ба сохтмони неругоҳҳои барқи обии хурд дар ноҳияҳои Айнӣ, Нуробод, Рашт, Тоҷикобод, Ҷиргатол, Балҷувон, Турсунзода ва Шаҳринав сохтмони 8 неругоҳи хурдро амалӣ кард. Аз ҷумла, дар давоми шаш моҳи аввали соли ҷорӣ сохтмони НБО-и хурди Марзич — 4300 кВт, Ширкент — 576 кВт, Ҳорма — 180 кВт, Фатҳобод — 282 кВт, Питавкул — 1100 кВт, Шашболоӣ — 183 кВт ва Сангикор — 1000 кВт ба анҷом расида, неругоҳҳо ба истифода дода шуданд.
Тавре ки ба АМИТ «Ховар» аз Ширкати холдингии «Барқи тоҷик» иттилоъ доданд, дар НБО-и хурди «Тоҷ» корҳои танзимкунии таҷҳизоти неругоҳ пурра ба анҷом расида, неругоҳи мазкур мувозӣ ба шабакаи умумӣ пайваст ва санҷида шуд.
Бояд гуфт, ки мақсад аз татбиқи лоиҳаи мазкур таъмини боэътимоди қувваи барқ дар маҳаллаҳои аҳолинишини ноҳияҳои дурдаст, тавлиди қувваи барқ бо роҳи аз худ кардани захираҳои гидроэнергетикии дарёҳои хурд баҳри таъмини зарурияти хоҷагии қишлоқ ва рӯзгори аҳолии навоҳии дурдаст мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






