Кормандони АНМН аз шаҳрванди ҶИА 20 кг бангдонаро мусодира карданд
Душанбе, 06.07.2015. (АМИТ «Ховар», Лайло Тоирӣ).-Кормандони Шуъбаи Раёсати Агентии назорати маводи нашъаовари назди Президенти Ҷумҳурии Тоҷикистон дар ноҳияи Дарвоз 5 июл дар деҳаи Дуробаки ҷамоати Қалъаихумби ноҳияи Дарвози ВМКБ сокини 33-солаи вилояти Бадахшони Ҷумҳуриии Исломии Афғонистонро дастгир намуданд. Ҳангоми дастгиркунӣ номбурда ба кормандони агентӣ муқовимати мусаллаҳона нишон дода, захмӣ гардид.
Кормандони агентӣ аз ӯ як адад халта мусодира намуданд, ки дар дохили он тахминан 20 кг маводи нашъаовари бангдона мавҷуд буд. Аз ӯ як адад таппончаи бе рақаму соли истеҳсол бо 7 тири ҷангӣ дарёфт ва мусодира гардид.
Инчунин ҳаммаслаки ӯ — сокини ноҳияи Дарвоз муайян гардид. Ҳоло тадбирҳои фаврӣ барои муайян намудани бошишгоҳ ва дастгир кардани ӯ андешида шуда истодаанд.
Кормандони Агентии назорати маводи нашъаовари назди Президенти Ҷумҳурии Тоҷикистон ҳангоми гузаронидани чорабиниҳои фаврӣ-ҷустуҷӯӣ дар ноҳияи Фархори вилояти Хатлон сокини 34-солаи вилояти Тахори Ҷумҳурии Исломии Афғонистонро дастгир намуданд.
Аз ӯ як халта мусодира гардид, ки дар дохили он маводи чоркунҷашакл ва растаниҳои дорои бӯи махсус мавҷуд буданд.
Тавре ки мутахассисони Шуъбаи ташхиси судии агентӣ муайян намуданд, маводи мусодирашуда 641 гр бангдона ва тахминан 4 кг ҳашиш мебошад.
Ҳоло тафтишоти пешакӣ муайян намуда истодааст, ки маводи нашъаоварро кадом шаҳрванди Тоҷикистон нияти харидан дошт..
Аз рӯи ҳодисаҳои мазкур парвандаҳои ҷиноӣ оғоз гардида, тафтиш давом дорад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
