Курси бозомӯзӣ барои раисони кумитаҳои иҷроияи ҳизб

Душанбе, 8.07.2015. (АМИТ «Ховар», Фарзонаи Мирон ).- Дар асоси нақшаи чорабиниҳои дастгоҳи КИМ ҲХДТ дар осоишгоҳи «Санавбар»-и шаҳраки Роғун курси бозомӯзии раисони кумитаҳои иҷроияи ҳизб дар вилоятҳо ва шаҳру ноҳияҳои ҷумҳурӣ ҷараён дорад. 
Дар курси бозомӯзи 72 нафар раисони кумитаҳои иҷроияи ҳизб дар вилоятҳо ва шаҳру ноҳияҳо фаъолона иштирок доранд. 
Мақсад аз баргузории курси бозомӯзӣ таҳкими фаъолияти ҳизбӣ дар вилоятҳо ва шаҳру ноҳияҳо, омӯзиши роҳҳои амалигардонии ҳадафҳои Оиннома ва Барномаи ҲХДТ,  хабардор гардонидани кормандони ҳизбӣ аз вазъи имрӯзаи ҷаҳон, паҳлуҳои мухталифи ҳаёти ҷамъиятиву сиёсӣ, амният, омӯзиши равандҳои сиёсӣ, ҳифзи забони давлатӣ, масоили вобаста ба занон ва сарварӣ мебошад. 
Ёдовар мешавем, ки курси бозомӯзӣ то 10 июли соли ҷорӣ идома намуда, дар он кормндони дастгоҳи КИМ, кормандони сохторҳои гуногун, мақомоти давлатӣ ба иштирокчиёни курс дарс мегӯянд.