Мубин Эргашев сармураббии тими мунтахаби Тоҷикистон таъйин шуд
Душанбе,29.07.2015 (АМИТ «Ховар», Меҳрони Қурбон).-Шоми дирӯз сармураббии дастаи “Истиқлол”-и Душанбе Мубин Эргашев иҷрокунандаи вазифаи сармураббии тими мунтахаби миллии футболи Тоҷикистон таъйин шуд. Ба иттилои Федератсияи футболи Тоҷикистон Мубин Эргашеви 41-сола дастаи мунтахаби кишварро ба бозиҳои сабқати интихобии қаҳрамонии ҷаҳон-2018 омода месозад. Бояд зикр кард, ки бозии наздиктарини дастаи миллии Тоҷикистон 8 сентябр дар Душанбе ба муқобили тими мунтахаби Австралия, ғолиби Ҷоми Осиё-2015 баргузор мешавад. Ёдовар мешавем, ки Мубин Эргашев дар ин вазифа Мӯҳсин Муҳаммадиевро, ки чанд рӯз пеш баъди нокомии дастаи мунтахаби Тоҷикистон дар оғози сабқати интихобии қаҳрамонии ҷаҳон-2018 аз вазифааш истеъфо дод, иваз кард. Бояд гуфт, ки Мубин Эргашев аллакай таҷрибаи кор дар дастаи мунтахаби Тоҷикистонро ба ҳайси мураббии калон дар давраи солҳои 2008 то 2013 касб кардааст. Моҳи июни соли 2013 Мубин Эргашев иҷрокунандаи вазифаи сармураббии мунтахаби Тоҷикистон таъйин шуда буд. Он вақт таҳти роҳбарии ӯ дастаи мунтахаби кишвар як бозии дӯстона бо тими миллии Афғонистон анҷом дод. Ин бозӣ, ки дар варзишгоҳи “Пахтакор”-и шаҳри Қӯрғонтеппа баргузор шуд, бо пирӯзии тими мунтахаби Тоҷикистон бо ҳисоби 3:2 хотима ёфт.
Хотиррасон менамоем, ки Мубин Эргашев имсол тавонист, ки дастаи «Истиқлол»-и Душанбе, қаҳрамони секаратаи Тоҷикистонро ба даври чаҳорякниҳоии Ҷоми AFC (Конфедератияи футболи Осиё) барорад. Дастаи «Истиқлол” муборизаро барои Ҷоми AFC идома медиҳад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






