Н. Саид: лоиҳаи Мактаби махсуси духтаронаи «Меҳровар» бо қарори ҳукумат тасдиқ гардид

 Душанбе, 6.07.2015. (АМИТ «Ховар», Ситора Боймурод).-«Лоиҳаи Қарори Ҳукумати Ҷумҳурии Тоҷикистон «Дар бораи Мактаби президентӣ барои хонандагони болаёқат» дар ноҳияи Ҳисор ва лоиҳаи Қарори Ҳукумати Ҷумҳурии Тоҷикистон «Дар бораи мактаби махсуси духтаронаи «Меҳровар» таҳия ва тасдиқ гардид. Инчунин лоиҳаи Қарори Ҳукумати ҶТ «Дар бораи Стандарти давлатии таҳсилоти умумии Ҷумҳурии Тоҷикистон» омода гардида, барои баррасӣ ба Ҳукумати Ҷумҳурии Тоҷикистон пешниҳод гардид»,- иброз дошт вазири маориф ва илми ҶТ Нуриддин Саид имрӯз ,6-уми июл зимни нишасти хабарӣ.
Ба иттилои манбаъ, «Стандарти давлатии таълиму тарбияи томактабӣ дар Ҷумҳурии Тоҷикистон» таҳия ва бо қарори Ҳукумат тасдиқ гардида, барои иҷро дастраси раёсат ва шуъбаҳои маориф гардид.