Нақшаи даромади буҷети ҷумҳуриявӣ дар шаш моҳ барзиёд иҷро шуд

Душанбе, 24.07.2015 (АМИТ «Ховар», Фарзонаи Давлат).- Иҷрои  нақшаи  даромади  буҷети ҷумҳуриявӣ дар ин давра  93,5  фоиз  таъмин  гардида, ба  он  3,2  млрд. сомонӣ  маблағ  ворид  гардид, ки нисбат ба нақшаи  пешбинигардида 223,1 млн. сомонӣ кам ва  нисбат ба ҳамин давраи  соли гузашта 124  млн.  сомонӣ  зиёд  мебошад, зикр гардид дар ҷамъбасти шашмоҳаи фаъолияти Вазорати молияи кишвар имрӯз зимни нишасти матбуотӣ.
Бино ба иттилои муовини вазири молияи кишвар Каримзода Ҷамшед, қисми даромади буҷети маҳаллӣ аз ҳисоби сарчашмаҳои дохилӣ ба  андозаи 103  фоиз иҷро  гардида,  ба  буҷет  1,8  млрд. сомонӣ ворид шудааст, ки ин аз нақшаи пешбинишуда  59,8 млн. сомонӣ ва нисбат ба  ҳамин давраи соли гузашта  144,4 млн. сомонӣ  зиёд  мебошад.