Нақшаи кишти такрорӣ 4,9 баробар зиёд иҷро шудааст

Душанбе,  08.07.2015 (АМИТ «Ховар», Рафоати Абдулҳамид).- Бино ба иттилои Хадамоти матбуоти раиси вилояти Суғд  дар заминҳои ҳосилаш ғундошташудаи хоҷагиҳои кишоварзӣ ва хоҷагиҳои деҳқонии вилоят ҷараёни кишти такрорӣ идома дорад.
То 1- уми июли  соли 2015- ум дар майдони 6430,9 гектар замин  кишти такрорӣ гузаронида шудааст.
Аз ҷумла, дар 1252,9 гектар ғалладона ва лӯбиёгӣ ( ҷуворимакка), аз онҳо шолӣ — 126,3 гектар, дигар зироати ғалладонагӣ — 1126,6 гектар, ҷуворимакка барои дон — 54 гектар, зироатҳои техникӣ — 47 гектар, картошка — 30 гектар, сабзавот — 511,2 гектар, полезиҳои озуқаворӣ — 259,2 гектар ва зироати хӯроки чорво — 4276,6 гектар мебошад.
Хотиррасон бояд кард, ки нисбат ба ҳамин давраи соли  2014  кишти такрорӣ 4,9 баробар зиёд иҷро шудааст.