Нигаронии сардори Саридораи геология аз ҷараёни сусти корҳо дар чоҳҳои ҷануби кишвар

Душанбе, 08.07.2015 (АМИТ «Ховар», Фарзонаи Давлат).- Сардори Саридораи геологияи тоҷик Ҷумъазод Мурод Хол аз ҷараёни корҳои пармакунии чоҳҳои минтақаи ҷанубии кишвар изҳори нигаронӣ карда, мегӯяд, корҳо дар ин чоҳҳо суст ба роҳ монда шудаанд.
Дирӯз, 7-уми июл зимни нашасти хабарӣ сардори Саридораи геологияи Тоҷикистон аз зуд-зуд ивазшавии пудратчиёни биофизикӣ хабар дода, афзуд, ки дар ин самт корҳо суст шудаанд.
Ҳамчунин мавсуф иттилоъ дод, ки дар оянда ба роҳ мондани  ҳамкории Саридора  бо Хадамоти геологии Афғонистон дар назар аст. Ӯ гуфт, ки дар асоси созишномаи ҳукуматӣ миёни ин ду кишвар сар аз соли оянда ҳамкориро ба роҳ монда, корҳои иктишофии геополитикиро миёни геологҳои ду кишвар пурзӯр хоҳанд кард.
Ҳамчунин ба таъкиди Мурод Хол, дар асоси ин ҳамкорӣ метавон корҳои иктишофии нотамомро дар сарҳад бо ин кишвар ба анҷом расонд.