Нигаронии Ш. Бобозода аз камшавии ҳаҷми истеҳсоли маҳсулот

Душанбе, 24.07.2015 (АМИТ «Ховар», Фарзонаи Давлат).- Дар нимсолаи якуми соли 2015 камшавии ҳаҷми истеҳсоли маҳсулот дар соҳаи истихроҷ, коркард ва таъминоти нафту газ 42,6%-ро ташкил дод, ки назар ба ҳамин давраи соли гузашта 58,4 млн. сомонӣ кам буда, ин ҳолат боиси нигаронист,-гуфт вазири энергетика ва саноати Тоҷикистон Шавкат Бобозода 23-юми июл дар ҷамъбасти шашмоҳаи фаъолияти вазорат ба хабарнигорон.
Ба иттилои мавсуф, корхонаҳои тобеи Вазорати саноат ва технологияҳои нав дар нимсолаи якуми сол ба маблағи  1 млрд. 856,6 млн. сомонӣ маҳсулот истеҳсол намуда, суръати афзоишро дар   6 моҳи соли 2015 ба 128,2% (485,8 млн.сомонӣ зиёд) расониданд.