Нисбат ба зане, ки се фарзандашро дар об ғарқ кард, парвандаи ҷиноӣ оғоз гардид

Душанбе, 07.07.2015. (АМИТ «Ховар», Лайло Тоирӣ).- Нисбат ба зане, ки се фарзандашро дар об ғарқ кардааст,  парвандаи ҷиноӣ оғоз гардида,  тафтиш идома дорад. Дар ин бора хадамоти матбуотии ВКД иттилоъ медиҳад. Тавре ки қаблан хабар додем, 4 июн тахминан  соати 21:00 сокини 37-солаи ноҳияи Ёвон  аз сабаби муноқишаи оилавӣ бо ҳамсараш, сокини ҳамин ноҳия  худро бо  се фарзандаш: писари 7-сола, духтарчаҳои 6 ва 5-солааш  ба  канали Душанбе-Ҳисор, воқеъ дар кӯчаи Ҳаёти Нав партофтааст. Дар натиҷа ҳар се фарзанди хурдсол ба ҳалокат расида, худи зан дар беморхона бистарӣ гардидааст.