Прокуратураи Хатлон оид ба назорати иҷрои қонунҳо 29 санҷиш гузаронид

Хуҷанд, 13.07.2015. (АМИТ «Ховар», Муроди Мурод).-Дар прокуратураи  вилояти  Хатлон ба назорати иҷрои қонунҳои Ҷумҳурии Тоҷикистон   “Дар бораи мубориза бар зидди экстремизм”, “Дар бораи мубориза бар зидди терроризм”, алалхусус ба муқобили ҷиноятҳои марбут ба “экстремизми сиёсӣ”  диққати махсус дода, вобаста ба ҳолати иҷрои ин қонунҳо 29 санҷиш гузаронида  шуд. 
Тавре  ки ба рӯзноманигорон  дар прокуратураи вилояти  Хатлон  имрӯз,  13  июл  зимни нишасти матбуотӣ иттилоъ  доданд,   бо назардошти хавфнокии терроризм  кор   дар ин самт пурзӯр карда шуда, дар маҷмӯъ 100 ҷинояти дорои хусусияти террористию экстремистӣ ошкор ва вобаста ба ин ҳолатҳо 99 парвандаи ҷиноятӣ нисбат ба 109 нафар  оғоз шуд.