Р. Маҳмадов: зиёда аз 160 нафар дар Русия ба кор таъмин шуд
Душанбе, 25.07.2015 (АМИТ «Ховар», Лайло Тоирӣ).-Имрӯз дар Федератсияи Русия ҳамватанони бурунмарзии мо дорои корхонаҳои истеҳсолӣ ва ширкатҳои хусусӣ буда, барои бо ҷойи кор таъмин гардидани муҳоҷирони тоҷик саҳмгузоранд. Яке аз чунин шахсон Ривоҷиддин Маҳмадов, сокини ноҳияи Ҷ.Румӣ мебошад, ки 20 сол аст бо аҳли оилааш дар вилояти Челябински Федератсияи Русия кору зиндагӣ дорад. Ӯ соли 2000-ум ширкати «Агро-союз»-ро таъсис дода, ҳамватанони худро бо кор таъмин намуд.
— «Ширкати мо асосан дар самти сохтмон ва соҳаи кишоварзӣ фаъолияти худро ба роҳ мондааст. Имсол мо зиёда аз 160 муҳоҷири тоҷикро ба кор ҷалб намудем, ки аз онҳо 60 нафараш сокинони ноҳияи Ҷалолиддини Румӣ мебошанд. Барои кормандон шароити хуби корӣ ва ҷойи хоб муҳайё шудааст. Ҳар як корманд вобаста аз кори худ ҳар моҳ аз 25 то 45 ҳазор рубли русӣ маош мегирад. Ҳамчунин мо барои ба расмиятдарории ҳуҷҷатҳои онҳо ва дастрас намудани патент ҳамаҷониба мусоидат намудем»,-мегӯяд Р.Маҳмадов.
Ривоҷиддин Маҳмадов мегӯяд, ки ҳарчанд берун аз Ватан зиндагӣ кунад ҳам, ҳамеша бо ёди Тоҷикистон аст ва аз ҳар дастоварду пешравиҳои ватанаш ҳушҳол мегардад.
Номбурда ният дорад, ки дар оянда боз теъдоди бештари ҳамватанони худро бо ҷойи кор ва маоши арзанда таъмин намояд.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
