Сарвазири Ҳинд ба пояи муҷассамаи Исмоили Сомонӣ гулчанбар гузошт
Душанбе, 13.07.2015.(АМИТ «Ховар», Марзия Саидзода).-Сарвазири Ҷумҳурии Ҳиндустон Нарендра Модӣ 13 июл дар ҷараёни сафари давлатиаш ба Ҷумҳурии Тоҷикистон ба Маҷмааи Ваҳдати миллӣ ва эҳёи Тоҷикистон ташриф оварда, ҳамчун рамзи эҳтиром ба фарҳангу тамаддуни миллати тоҷик ба пояи муҷассамаи асосгузори нахустин давлати тоҷикон- шоҳ Исмоили Сомонӣ гулчанбар гузошт. Дар маросими гулгузорӣ Нарендра Модиро Сарвазири Ҷумҳурии Тоҷикистон Коҳир Расулзода ҳамроҳӣ кард. Бояд тазаккур дод, ки Сарвазири Ҷумҳурии Ҳиндустон шоми 12 июл ба Тоҷикистон ташриф оварда, субҳи 13 июл бо Президенти Ҷумҳурии Тоҷикистон Эмомалӣ Раҳмон мулоқот намуд. Дар ҷараёни мулоқот масоили марбут ба густариш ва тавсеаи ҳамкории мутақобилан судманди Душанбе ва Деҳлӣ матраҳ гардид. Инчунин имрӯз Сарвазири Ҳиндустон дар Анҷумани коршиносони соҳаи кишоварзӣ, ки дар муҷтамаи давлатии «Кохи Борбад»-и Душанбе доир мегардад, иштирок менамояд. Дар назар аст, ки Нарендра Моди дар маросими ифтитоҳи нимпайкараи Робиндранат Такур — шоир ва нависандаи машҳури Ҳинд, воқеъ дар кӯчаи «Бухоро»-и Душанбе ширкат намояд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
