Шӯрои доимии СААД ҳуҷҷатҳоро дар бораи тақвияти мақоми донишкадаҳои ҳарбӣ мувофиқа кард

Душанбе, 01.07.15. (АМИТ «Ховар», Пайрави  Қосим). – Дар  ҷаласаи Шӯрои  доимии СААД  лоиҳаҳои қарорҳои Шӯрои  вазирони  мудофиаи Созмони  Аҳдномаи  амнияти  дастаҷамъӣ  мувофиқа   карда шуданд. Назар  ба  иттилои сухангӯи  СААД  Владимир Зайниддинов, аз ҷумла  лоиҳаҳои ҳуҷҷатҳо  «Дар  бораи  тадбирҳо  оид ба такмили ташкили тарбияи  кадрҳои  ҳарбӣ  дар  донишкадаҳои  ҳарбӣ  ва  танзими  фаъолияти  таҳсилотию  илмии  вазоратҳои  мудофиаи  давлатҳои аъзои Созмони  Аҳдномаи  амнияти  дастаҷамъӣ», «Дар  бораи тадбирҳо  оид ба  тақвияти мақоми  донишкадаҳои  ҳарбӣ ва  созмонҳои илмии давлатҳои  аъзои Созмони  Аҳдномаи  амнияти  дастаҷамъӣ  дар  таҳияи  пешниҳодҳо оид ба вусъат  бахшидани таркиботи  ҳарбии Созмони  Аҳдномаи  амнияти дастаҷамъӣ»  мувофиқа  карда шуданд. 
Аз  рӯи натиҷаи баррасӣ тасмим  гирифта шуд, ки  лоиҳаҳои  ҳуҷҷатҳо  барои  ворид  намудан  ба  лоиҳаи ҷаласаи  навбатии  Шӯрои  вазирони  мудофиаи  СААД  тавсия  карда шаванд. Ҷаласаи шӯрои  СААД  таҳти раёсати   намояндаи   ваколатдори  Ҷумҳурии  Тоҷикистон  Бадриддин  Мирзоев  баргузор  шуд. Ёдовар  мешавем, ки  имсол  Тоҷикистон  дар  СААД  раис  аст.